UAE asin China, nagdonar nin food items sa mga bakwit kan Mayon sa Camalig, Albay

Nakatanggap nin donasyong kakanon hali sa United Arab Emirates (UAE) asin People’s Republic of China (PRC) an lokal na pamahalaan nin Camalig, Albay para sa mga residenteng nasa evacuation center sa lugar na naapektuhan nin pagtaas kan aktibidad nin Bulkang Mayon.

Hali sa UAE an nasa 344 kahon na may laog nin lana, bagas, pasta, harina, asukar, asin, tomato paste, gatas, tea powder, dates asin dry foul.

Minaabot man sa 600 na sako nin bagas na 25 kg per sako, biscuits, asin noodles an hali sa PRC.

Matatandaan na inot nang inihayag ni Department of the Interior and Local Government (DILG) Secretary, Atty. Benjamin Abalos, Jr., na dahil sa padagos na kalamidad na kinakaatubang kan Albay, makakaresibe ini nin humanitarian assistance hali sa mga dayuhang pamahalaan.

Litrato hali sa Camalig PIO