Bikol NgunianSugatan ang sarong motorcycle rider matapos maaksidente sa Brgy. Oroc-Osoc, Caramoan, Camarines Sur bandang ala-1:20 nin hapon kan naka-aguing Hulyo 11, 2023.
Binisto ang biktima na si Marcial Torregroza, 40-anyos, residente kan Brgy. Tabgon sa nasabing banwaan.
Sigon sa impormasyon, buminangga ang motorista sa sarong barikada sa lugar at suminemplang.
Tulos man na idinara sa ospital kan MDRRMO Caramoan ang biktima.
Paalala kan awtoridad sa publiko, dai magmaneho kung lasing para maiwasan ang arog kaining mga aksidente.
Litrato hali sa MDRRMO Caramoan.
