Bikol NgunianNagkasulo ang sarong kubo asin hinabunan kan dai pa nabibistong mga suspek ang sarong harong sa Zone 6, Sitio Masipag, San Isidro, Naga City bandang alas 11:00 nin banggi kaining Nobyembre 2, 2023.
Sa report, nakatanggap nin impormasyon ang sarong 38-anyos na lalaki, mayong agom, sarong call center agent asin residente kan lugar na nagkasulo ang saiyang kubo sa luwas kan saindang harong.
Kan makalaog siya sa saindang harong napansin niyang raot na ang saindang sliding door sa kwarto asin ang nagkapirang mga gamit nagkalat na. Digdi na niya nadiskubreng nawawara ang saiyang laptop na pinaniniwalaan na tinangay kan mga suspek na posibleng nag-agi sa bintana.
Sa ngunyan, nagsasagawa na nin imbestigasyon ang awtoridad kaugnay kan insidente.
Hinimok man kan awtoridad ang publiko na kung sakaling may kinalaman sa insidente tulos na makipag-ugnayan sa sainda para tulos na madakop ang mga suspek sa krimen.
Photo Courtesy: NCPO
