Sarong harong sa Sitio Bulod sa Sto. Domingo, Albay, Nagkasolo

Natupok nin kasolo an sarong harong sa Sitio Bulod, San Andres, Sto. Domingo, Albay kansuudmang alas 10:45 nin aga, Hunyo 19, 2023.

Tulos man na nagresponde an mga tauhan kan Bureau of Fire Protection (BFP) sa insidente asin naapula an kasolo.

Sa inisyal na impormasyon, nasa saindang kaniya-kaniyang trabaho an mag-agom na may-kag sadiri kan nasabing harong kan mangyari an kasolo.

Inaaram pa sa ngunian kan awtoridad an sanhi asin danyos kan insidente.
Samantala, nangangapudan man ngunian nin tabang an pamilya kan nasoloan na halos mayong naisalba dahil sa kasulo.

Sa mga gustong magpa-abot nin tabang, pwedeng magpadara sa Gcash number na: 09319041873 sa pangaran ni Emilia Anonuevo.

Litrato hali ki Camelo A. Balbin.