Bikol NgunianGadan ang sarong tricycle driver habang sugatan man ang tulo kaning pasahero matapos sindang masalpok kan sarong truck sa Purok 3, Barangay Old Camp, Capalonga, Camarines Norte bandang alas 12:00 ning udto kaning Hulyo 7, 2023.
Sigon sa impormasyon, binabaybay kan tricycle na minamaneho ni Carlito Magante, 42-anyos ang nasabing tinampo kaibahan ang saiyang tulong pasahero na sina alyas “May”, 40-anyos, alyas “Noel”, 47-anyos, asin sarong menor de edad na babae, mga residente kan Brgy. Magsaysay, Capalonga, Camarines Norte nang aksidente sindang masalpok kan kasabatan na truck na minamaneho ni alyas “Jom”, 32-anyos kan Brgy. Daguit, Labo, Camarines Norte kaiba ang pahinante kaning si alyas “Jeff”, 49-anyos.
Nagkaigwa daa ning mechanical error ang steering wheel kan truck ni alyas “Jom” kang mga oras na ito kaya mabilis kaning nasakop an balyong tinampo asin nakaladkad pa an tricycle.
Tulos na idinara sa ospital an mga biktima ngunit idineklara ring dead on arrival ang driver ng tricycle.
Nagpaparahay na man sa ospital ang tulo pang sugatan sa aksidente.
Mayo man na tinamong lugad ang driver asin pahinante kan truck na tulos man na idinara sa himpilan kan Capalonga MPS para sa kaukulang disposisyon.
Litrato hali sa CNPPO.
