Bikol NgunianGadan ang sarong indibidwal habang sugatan man ang saro pa sa salpukan kan duwang motorsiklo sa Maharlika Highway, P-1 Brgy. San Isidro, Talisay, Camarines Norte bandang alas 3:30 nin aga kaining Disyembre 1, 2023.
Sa report kan Talisay MPS, napag-alamang habang binabagtas kan motorsiklo na minamaneho ni Alyssa Joy Roll Llames, 20 anyos, dalaga, estudyante, asin residente kan Purok 7, Lag-on, Daet, Camarines Norte ang kalabaan kan Maharlika Highway hali sa banwaan kan Labo asin patungo sa banwaan kan Daet nang pagabot sa nasabing tinampo sinalpok ini kan kasabatan na motorsiklo na minamaneho man ni Jerico Valenciano Herico, 37-anyos, may agom asin residente kan Purok 4, Bagacay, Labo, Camarines Norte na hali sa balyong tinampo.
Dahil igdi, tumilapon ang parehong mga driver asin nagtamo nin pinsala sa lawas na tuos man na idinara sa ospital kan MDRRMO Talisay na ruminesponde sa aksidente.
Kalaunan idineklara man na dead on arrival kan doktor si LLames.
Sa ngunian, nasa Talisay MPS na ang kasalpukang driver kaini na maatubang sa kaukulang disposisyon.
Courtesy: CNPPO
