Bikol NgunianNagkaigwa nin Pyroclastic Density Current o aso an Bulkang Mayon kansubagong alas 7:00 nin aga, Hulyo 3, 2023 dahil sa pag-collapse kan lava dome sa bulkan.
Sigon sa PHIVOLCS Legazpi City, nagkaigwa nin paghulog nin mainit na mga gapo asin hali sa crater kan bulkan na nagdausdos sa Basud channel paduman sa Sto. Domingo, Albay.
Napadpad man ini sa Camalig, Guinobatan asin Ligao, Albay dahil sa kusog kan paros kaya posibleng mamataan an minimal ash traces sa mga nasabing lugar.
Samantala, pinaghahanda na kan awtoridad an mga residente sa 7-8 km Permanent Danger Zone (PDZ) sakaling magtaas asin maglala pa an aktibidad kan bulkan.
Pinag-iingat man an publiko asin inaabisuhan na magsulot nin face mask sakaling magkaigwa nin ash fall.
Litrato hali kay Joey Sarte Salceda/FB, Enjaney DeerOx, Thess Llaneta
