Bikol NgunianPadagos an pagkondusar nin iba ibang psychosocial interventions asin aktibidad kan Department of Social Welfare and Development (DSWD) Bicol katuwang an mga government asin non-government organizations para sa mga kaakian na evacuees sa probinsya kan Albay na apektado kan pag-alburuto kan Bulkan Mayon.
Kabali sa mga isinasagibong psychosocial interventions kan ahensya an mga programa para sa edukasyon, mga pakawat, pananao nin mga kawatan asin school supplies, mga workshop asin training, asin iba pang mga aktibidad na naglalayong pakusugon an emosyonal na aspeto kan mga kaakian na evacuees.
Paraan man ini kan DSWD Bicol para makatao sa mga aking bakwit nin emosyonal na suporta, mapakusog an saindang kakayahan sa pag-atubang sa mga pagsubok asin mga kalamidad, asin pangalagaan ang saindang psychosocial well-being habang sinda nasa evacuation centers.
Litrato hali sa DSWD R5.
