Bikol NgunianGadan ang sarong motorcycle rider matapos suminabit ang saiyang liog sa nakalaylay na kable kan PLDT sa tinampo kan Barangay Capilihan, Virac, Catanduanes bandang alas 7:30 kansubanggi, Agosto 23, 2023.
Sigon sa report, nasa byahe an biktimang si Jessievic Pereyra, 29-anyos, may agom, residente kan Brgy. Cabugao, Bato, Catanduanes, sa nasabing lugar kan dai kaini napansin ang nakalaylay na kable kan PLDT sa tahaw kan tinampo dahilan para suminabit ang saiyang liog igdi asin mawalan nin kontrol sa saiyang motorsiklo.
Bukod pa kaini , suminalpok man ang nakasunod saiyang motorsiklo na si Francis Chavez, 41-anyos, residente kan Brgy. Francia, Virac, Catanduanes.
Idinara pa sa ospital ang mga biktima kundi binawian man nin buhay si Pereyra habang si Chavez man nagtamo nin minor injuries sa aksidente.
Padagos ngunian ang imbestigasyon kan awtoridad kaugnay kaini.
Mga litrato hali sa Virac MPS.
