Bikol NgunianGadan ang sarong motorcycle rider matapos makasalpukan ang kasabatan na hauler sa Purok 2, Barangay Matnog, Basud, Camarines Norte bandang alas 12:55 nin maagahon kaining Oktubre 22, 2023.
Sa report, binabaybay kan motoristang si Earl Lawrence Cabiles, 19 anyos, residente kan Purok 3, Brgy. Mambungalon, Mercedes, Camarines Norte ang nasabing lugar kan aksidente ining mabangga kan kasabatan na hauler na minamaneho man ni Froilan Cesar Vale, 29 anyos, sarong vendor asin residente man kan Purok-9, Brgy. IV, Daet, Camarines Norte na bahagyang sinakop ang linyang tinatahak kan motorsiklo.
Nagtamo nin mga sugat asin pinsala sa lawas ang duwa ngunit binawian man nin buhay si Cabiles.
📸: via CNPPO
