Motorcycle rider, gadan sa karambola nin pampasaherong bus asin duwang motorsiklo sa Pilar, Sorsogon

Gadan an sarong lalaking motorcycle rider sa nangyaring aksidente sa Brgy. Del Rosario, Pilar, Sorsogon pasado alas 10:00 kagabi, Hunyo 23, 2023.

Sa inisyal na impormasyon, nagsalpukan an sarong pampasaherong bus asin kasabatan kaining motorsiklo kan biktima asin tuminama sa saro pang motorista. Naguyod kan bus an biktima na naputulan nin walang binti.

Dead on the spot an biktima sa aksidente habang ligtas man an saro pang motorista.

Rumesponde man tulos sa aksidente an mga tauhan kan MDRRMO Castilla, MDRRMO Pilar sa EMS asin SRF team kan BFP Pilar asin idinara sa punerya an bangkay kan biktima.

Mga litrato hali kay Elgie Paclibar kan BFP Pilar.