Mental Health and Psychosocial Support padagos na inilulunsad kan man-iba ibang ahensiya sa Bikol

Padagos an paghatod nin Mental Health and Psychosocial Support (MHPSS) services sa mga evacuation camps sa Albay na apektado kan padagos na pag-alburuto kan Mayon. An Psychosocial Team binubuo kan Department of Health (DOH) Bicol katuwang an Albay Provincial Health Office (APHO), International Organization for Migration (IOM) Legazpi, Department of Education (DepEd) V, asin Philippine National Police (PNP).

Nasa 29 na evacuation camps na an natawan nin Psychosocial Team kan MHPSS services. Kasali sa MHPSS services sa mga evacuees an art and play session, social and community support, consolation and emotional ventilation, psychosocial education, asin stress management.

Bukod kaini, inirerefer kan Psychosocial Team an mga evacuees na nangangaipuhan nin karagdagang mental health asin psychosocial intervention sa mga espesyalista.
Nasa 5,274 psychosocial services na an naitao sa evacuation camps kan nasabing mga ahensya.

Padagos an paalala kan DOH Bicol na panatilihon an pagiging kalmado asin sunudon an mga emergency safety tips para maiwasan an anuman na panganib na dara kan pagputok kan Mayon.

Mga litrato hali sa DOH Bicol.