‘LALAKING DRUG PUSHER, TIMBOG SA BUY-BUST OPERATION SA NAGA CITY’

Arestado ang sarong lalaking tulak nin ilegal na droga sa inilunsad na buy-bust operation kan Naga City PNP sa Zone 7, 3rd Street, Jolly Neighborhood, Brgy. Sta. Cruz, Naga City kaning kana-aguing Nobyembre 6, 2023.

Binisto ang suspek na sarong 47-anyos na lalaki, may agom, mayong trabaho, residente ng Zone 6, Ateneo Avenue, Bagumbayan Sur, Naga City asin kabali sa Regional Recalibrated Database on Illegal Drugs.

Nakumpiska hali sa suspek ang 3.2 na gramo nin hinihinalang shabu na may street value na Php21,760.

Nasa kustodiya na kan pulisya ang suspek asin maatubang sa kasong paglabag sa RA 9165 o ang Comprehensive Dangerous Drugs Act of 2002.