'LALAKI, SUGATAN SA PANANAGA SA LABO, CAMARINES NORTE'

Sugatan ang sarong lalaki matapos pagtatagain kan sarong suspek sa Purok 2B, Barangay Anahaw, Labo, Camarines Norte bandang alas 6:00 nin banggi kaining Nobyembre 4, 2023.

Sa report, habang nag-iinuman ang suspek na binistong si alyas “Rene”, 51-anyos, may agom, paraoma asin residente kan Sitio Bamban, Sipocot, Camarines Sur asin ang biktimang si alyas “Ely”, 57-anyos, residente man kan parehong lugar na nagkaigwa sinda nin mainit na diskusyon na nag-abot sa pananaga kan suspek sa biktima gamit ang sarong itak.

Nagtamo nin sugat sa liog asin iba’t-ibang bahagi pa kan lawas ang biktima na tulos man na idinara sa ospital.

Tulos man na nadakop ang suspek matapos ang ikinasang hot pursuit operation kan awtoridad kansuudma, Nobyembre 5 sa Purok-1, Barangay Malasugui, Labo, Camarines Norte.