Bikol NgunianGadan an sarong lalaki matapos mabundol in sarong motorsiklo sa tinampong bahagi kan Purok 9, Sitio Bagong Silang, Brgy. Fabrica, Bulan, Sorsogon, bandang alas 12:25 nin udto kaining naka-aguing August 12, 2023.
Sa ulat, pabalyo na kuta sa nasabing tinampo ang biktimang si Calixto Gernale, 72-anyos residente kan Sitio Bagong Silang, Brgy. Fabrica, Bulan kan mabangga ini kan motoristang si Jhun Mark Evangelista, 34-anyos, asin residente kan Brgy. Otavi, Bulan, Sorsogon.
Sa ngunian, kapot na kan awtoridad ang driver kan motorsiklo na maatubang sa kasong Reckless Imprudence Resulting to Homicide sakaling ituloy kan pamilya kan biktima na magsampa nin kaso.
Litrato hali sa Bulan MDRRMO.
