Bikol NgunianNadiskubre kan mga awtoridad ang mga buto nin taong nakasilid sa sarong drum na narekober sa karagatan na parte kan Barangay Talisay, East District, Sorsogon City kansuudmang hapon, Oktubre 12, 2023.
Sigon sa impormasyon, nahiling ini kan sarong residenteng nagpapana nin sira sa dagat kaya tulos ining inahon asin duman na tuminambad sainda ang naagnas na bangkay sa laog nin drum.
Tulos man na iniulat sa awtoridad ang insidente asin ngunyan nasa proseso na ang imbestigasyon tungkol igdi.
Photo Courtesy: Edna Mancera
