‘ILIGAL NA DROGA ASIN DAI LISENSYADONG BADIL, NASAMSAM SA SARONG LALAKI SA CAMARINES NORTE’

Arestado ang sarong lalaki matapos makuahan kan awtoridad ning iligal na droga asin dai lisensyadong badil sa Purok-2, Brgy. North Poblacion, Jose Panganiban, Camarines Norte bandang alas 3:45 nin hapon kaining Setyembre 24, 2023.

Naaresto sa operasyon ang suspek na si alyas “Jo”, 43-anyos may agom, sarong STL Agent asin residente sa nasabing lugar.

Nasamsam saiya ang limang gramo nin hinihinalang shabu na nagkakahalaga nin P34,000 asin sarong kalibre .38 na badil na may kargang apat na bala.

Nasa Jose Panganiban MPS na ang suspek na maatubang sa kasong paglabag sa Republic Act 10591 o Comprehensive Firearms and Ammunition Regulation Act, COMELEC Resolution No. 10918 o Gun Ban asin Republic Act 9165 o Comprehensive Dangerous Drugs Act of 2002.

Mga litrato hali sa CNPPO.