Bikol NgunianNaghandog nin solar light ang Revitalized-Pulis sa Barangay (R-PSB) Team kan Sorsogon 1st PMFC sa sarong residenteng may kapansanan sa Brgy. Dita, Gubat, Sorsogon.
Sigon sa pamunuan, ang residenteng si Angel Diesta Jr., sarong manghahabi, bagamat may kapansanan sarong dekada nang naggagamit nin improvised lighter na may flashlight kada banggi sa paghahabi kan mga katutubong produkto maprobisyonan lamang ang saindang pang urualdaw na pangangaepohan.
Tulos na tinugunan kan pamunuan ang hiling kaining magkaigwa nin ilaw para matawan nin liwanag at pag-asa an saiyang pamilya.
Bukod sa saiya, nabiyayaan man nin parehong handog ang sarong mag-agom na may anom na aki sa parehong lugar na nagtitiyaga lang sa paggamit nin gasera.
Sa pamamagitan kan pailaw may magagamit na ang mga estudyanteng aki kan mag-agom pag nag-aadal sa banggi.
Patuloy umano ang pamunuan sa pagtao nin mga oportunidad sa mga residente para maibsan ang saindang kahirapan tungo sa mas maliwanag na saaga asin mapayapang komunidad.
Photo Courtesy: Sorsogon PPO
