Bikol NgunianNagtindog na nin communal kitchen, bathing area, asin comfort rooms an mga tauhan kan Municipal Engineering Office (MEO) sa mga evacuation center sa banwaan kan Daraga para sa mga bakwit na apektado kan pag-alburuto kan Mayon.
Parte ini kan pagsiguro kan LGU Daraga na matawan nin malinig, maayos asin ligtas na magagamit an mga evacuees para sinda dai mahirapan sa saindang temporaryong pag-istar sa evacuation centers.
Sa ngunian, natapos na kan ahensya an community kitchen sa Gabawan asin Daraga Evacuation Center habang padagos pa ang pagtindog kaini sa iba pang evacuation centers sa banwaan.
Mga litrato hali sa Daraga PIO.
