Bikol NgunianKinumpirma kan Albay Provincial Health Office (PHO) na duwa na an gadan asin duwa ang nasa ospital dahil sa hinihinalaan na diarrheal cases sa Brgy. Manila, Rapu-rapu, Albay.
Sa report kan PHO Provincial Epidemiology and Surveillance Unit (PESU), siyam na ang kumpirmadong kaso nin hinihinalaan na diarrheal cases sa nasabing barangay na inot na naiulat kan naka-aguing Hulyo 15, 2023.
Nakaranas nin pag-udo asin tulos na na-admit sa ospital ang nagsabing siyam na residente. Ang duwang naiulat na nagadan nagkaigwa nin comorbidities dahil sa dehydration, kundi daipa man nanggad aram ang pangenotan na rason kan saindang pagkagadan dahil hinahalat pa kan PESU ang resulta kan microbiological examination kan mga sample nin tubig na nakolekta sa lugar.
Sa ngunian, nagsasagibo na nin imbestigasyon asin pagsusuri ang mga ahensya sa limang pigkukuanan nin tubig sa nasabing barangay na ang pira kaini dai pa nabubuong water springs.
Siniguro kan PHO asin PESU ang saindang koordinasyon sa Regional Epidemiology and Surveillance Unit, PHPRU ROV, RHU Rapu-Rapu, at City Health Office Legazpi para sa specimen collection, patient management, health education, logistics asin iba pang technical support, para sa padagos na masusing pagsubaybay asin pag-ulat sa mga nasabing kaso.
Litrato hali kay JMBalaguer Photography.
