Bikol NgunianPadagos ang pananao nin food packs kan Department of Social Welfare and Development (DSWD) sa mga Mayon evacuees sa lalawigan kan Albay.
Nasa fourth wave na kan pagtao nin ayuda ang ahensya kung sain may total na 27,050 family food packs (FFPs) ang naitao sa 5,410 na pamilya sa laog kan evacuation centers, habang 2,085 FFPs ang naipanao sa 417 na pamilyang nasa luwas kan evacuation centers.
Igwa man na 773 dagdag na pamilya pang nakaresibe nin 3,865 kahon kan FFPs.
Bukod pa kaini, naghandog man nin 5,410 hygiene kits ang ahensya sa mga bakwit na nakaistar pa sa evacuation centers.
Nasa P30,162,769.13 ang total na halaga kan naipanaong ayuda kan ahensya.
Litrato hali sa DSWD.
