Bikol NgunianSugatan ang sarong driver nin truck sa nangyaring aksidente sa San Vicente, Castilla, Sorsogon kansubagong alas 4:00 nin maagahon, Hulyo 6, 2023.
Binisto ang biktima na si Obeto Kipid Puja, 52-anyos, residente nin Lamedalya, Pio Duran, Albay.
Sa inisyal na impormasyon, paduman kuta ang biktima sa Gubat, Sorsogon hali sa Pio Duran, Albay para magkua nin krudo kang siya makaidlip asin saktong kurbado ang nasabing tinampo kaya buminangga ini sa gate ng sarong harong.
Sa kusog kan pagkakabangga, naraot ang inotan na bahagi kan truck asin naipit an driver.
Tulos man na nagresponde sa aksidente ang mga tauhan kan MDRRMO Castilla, BFP Castilla, BFP at SRF team ng Pilar asin nagtabang-tabang para maihali sa pagkaka-ipit ang driver kan truck saka idinara sa ospital para sa atensyong medikal.
Mga litrato hali sa MDRRMO Castilla.
