Bikol NgunianKasugpon kan padagos na aktibidad kan Bulkan Mayon, nagpuon nang magtanom nin early maturing crops an mga evacuees sa paagi kan proyektong community garden kan Gabawan, Budiao, asin Anislag Elementary Schools katuwang an Municipal Agricultural Services Office (MASO) Daraga.
Parte ini kan ilalaag na communal garden sa mga nasabing eskwelahan na pansamatalang iniistaran kan mga evacuees.
An communal garden inilunsad kan banwaan kan Daraga para mapakusog an sektor nin agrikultura asin matawan nin libangan o mapagkukuahan nin makakakan an mga evacuees sa lugar.
Padagos kitang magtarabangan sa tahaw kan krisis asin kalamidad.
Litrato hali sa Daraga PIO.
