‘CHINA HANDANG MAG-ALALAY SA MAYON RELIEF OPERATIONS SA ALBAY’

Inihayag ni Chinese Ambassador to the Philippines, Ambassador Huang Xilian na handa ang China sa pagtabang sa lalawigan kan Albay katakod kan kinakaatubang kaning krisis hatod kan padagos na pag-alburuto kan Mayon. Sigon kay Ambassador Xilian, handa sindang makitabangan sa lalawigan lalo na pag-abot sa disaster management asin iba pang aspeto.

Nakikipag-unayan na man si Ambassador Xilian sa Department of Social Welfare and Development (DSWD) para sa mabilis na pagpapaabot kan saindang tabang sa mga apektado kan Bulkan Mayon.

Katunayan, sarong Chinese Navy Vessel an nakatakdang mag-abot sa bansa dara an karagdagang tulong nito mula sa People’s Republic of China (PRC) para sa Albay.

Katakod kaini, nagkaigwa nin ceremonial turn-over kan naka-aguing Hunyo 3, nin 500 family food packs para sa mga Mayon-affected families na ngunian nasa Guinobatan Community College. Ini dahil sa pagtatabangan Guinobatan Mayor Paul Garcia.

Dagdag pa igdi, nagpahayag man nin suporta si Ambassador Xilian sa pagpapakusog nin turismo asin digitalisasyon sa lalawigan.

Litrato hali sa Albay PIO.