Bikol NgunianMagkakaigwa na ulit nin byahe nin train sa rutang Naga-Ligao sa maabot na Lunes, Hulyo 31, 2023, sigon sa Philippine National Railways (PNR).
Sigon pa sa PNR, magkakaigwa muna nin duwang biyahe nin tren kada aldaw sa nabanggitan na ruta. Ini mabagtas sa higit 67 kilometrong laba kan riles.
Mahali ang inot na biyahe kan PNR puon sa Ligao paduman sa Naga sa eksaktong alas 5:30 nin aga asin susunudan ini nin ikaduwang biyahe nin tren sa eksaktong alas 5:30 nin hapon hali sa Naga paduman sa Ligao.
Madadagdagan an byahe kang PNR pag nagdakol na ang mga pasahero na nagpipili sa nasabing ruta. Aabuton nin duwang oras asin 11 na minuto ang biyahe puon sa Ligao paduman sa Naga asin pabalik, gamit ang sarong Diesel Hydraulic Locomotive (DHL) na igwang limang passenger coaches na kayang magsakay nin lampas 1,300 ribong mga pasahero.
Siyam na istasyon ang magiging operational para sa mga pasahero hali sa iba’t ibang lugar sa Albay asin Camarines Sur. Kabali na igdi ang mga istasyon asin flag stops sa Naga, Pili, Baao, Iriga, Bato, Matacon, Polangui, Oas, asin Ligao. Mapuon ang pamasahe sa 15 piso para sa inot na istasyon, asin maaabot sa 105 na piso hanggang sa huring istasyon nin tren.
Paalala kan PNR, ipinagbabawal pa nanggad ang pagkakan asin pag-inom sa laog kan mga tren, para sa mas ligtas asin komportableng biyahe. Matatandaan na kan naka-aguing Abril 2017 kan suspendihon an PNR ang operasyon sa rutang Naga-Legazpi dahil sa kakulangan kan rolling stock.
Litrato hali sa PNR.
