BRP Tarlac kan Philippine Navy, nasa Legazpi ngunian

Nasa ciudad na nin Legazpi an BRP Tarlac (LD601) kan Philippine Navy, ikaduwang barkong nagabot sa Albay para tabangan an probinsiya kasunod kan pag-alburuto kan Bulkan Mayon.

Sakay kan BRP Tarlac an mga kagamitan asin mga opisyal hali sa Department of Health (DOH). Parte ini kan response kan Department of National Defense sa lalawigan na pinamamayuhan ni NAVFORSOL Commander Commodore Joe Anthony Orbe, asin Task Force SAGIP Commander Brigadier General Jaime Abawag Jr,.

Inot nang nagdaong an BRP Andres Bonifacio (PS17) sa Albay gulf para magsuplay nin 32,000 litrong inumon na tubig sa mga bakwit sa probinsiya hali sa desalination system kaini.

Litrato hali sa NAVFORSOL via RP Albay