Bikol NgunianNagbabala an Bureau of Fisheries and Aquatic Resources (BFAR) Bicol ukol sa nakakalason na uri nin alimango na Zosimus aeneus (Devil crab) na mas bisto bilang “liod” o “kaligmata” na namataan sa pirang lugar sa rehiyon.
Sigon sa mga ulat hali sa National Stock Assessment Program (NSAP) asin Provincial Fisheries Office (PFO), ang mga nahiling mga mapanganib na alimango namataan sa Lagonoy, Camarines; Mercedes, Camarines Norte; Cawayan, Masbate; Gubat, Sorsogon; Bulusan Sorsogon; asin Matnog, Sorsogon.
Ang Zosimus Aeneus (Devil crab), o mas bisto sa rehiyon bilang “liod” o “kaligmata,” sarong nakakalason na reef crab. Ang itsura kaini may brownish blotches sa mas maputla na background asin nagtataglay ini ning mga neurotoxin, katulad ning tetrodotoxin asin saxitoxin, sa laog kan laman asin shell kaini.
Ang mga lason na ini dai nahahali ning init o pagluto asin maaaring magkawsa ning malubhang pinsala sa hawak arog ning pagkaparalisa, hirap sa paghangos, asin posibleng magkawsa ning pagkagadan sa mga makakakakan kaini.
Pinapayuhan kan ahensya an publiko na kung makakahiling nin arog kaining uri nin alimango na dai ini dakupon asin kakanon dahil sobra ining mapanganib.
Litrato hali sa BFAR Bicol.
