Bikol NgunianNaglunsad nin ‘Bazaar for a Cause’ ang Camarines Norte Provincial Hospital (CNPH) bilang parte kan saindang selebrasyon kan CNPH Week.
Ang selebrasyon may temang: “Madiskarte at Mapagbigay na Kawani, Tularan Natin at Bigyang Papuri”.
Ang nasabing aktibidad inorganisa kan management team nin ospital na pinapamayuhan ni Dr. Leborio Ferrer.
Sigon kay G. Israel Llaneta-Camarines Norte Provincial Hospital Human Resource Head, ang magiging kita sa bazaar para sa “Gift giving” event kan ospital sa maabot na Agosto 9, 2023.
Ang mga benepisyaryo ang pinakatirios na pasyente kan nasabing institusyon.
Litrato hali sa CNPIO.
