Bikol NgunianRider kan motorsiklo dead on the spot sa nangyaring banggaan kan Eagles Star Bus asin sarong motorsiklo alas 11: 20 nin banggui kan nakaaguing Septiembre 1, 2023 sa Brgy. San Jose, Pili, Camarines Sur.
Binisto ang nasawi na rider kan itom na skygo motorcycle na si Christian Flores y Espiritu, 18-anyos, asin residente kan Falcon St. Modern Village, San Jose, Pili, Camarines Sur habang sugatan ang angkas kaining tiyahin na si Nechita Gasis y Espiritu, 53-anyos, sarong nursing attendant asin nakaistar sa nasabing lugar.
Nabisto man ang driver kan Eagles Star bus na si Benjamin Montes, 54-anyos, may agom, asin residente kan Brgy. Maybocog, Maydulong, Eastern Samar.
Napag araman na paliko sa wala ang motorsiklo hali sa ciudad nin Naga pauli sa Modern Village, kan mabangga ini kan kasunudan na bus dahilan kan pagkagadan kan nasabing rider.
Tulos man na naghali sa lugar asin suminuko sa PNP Pili ang driver kan bus. Dinara pa man kuta sa BMC ang nasabing sugno kan motor, kundi ini puminanaw man sa parehong banggui.
Mga litrato hali sa Asitado News.
