Bikol NgunianNadakop na kan awtoridad an pulis na sinasabing nag-AWOL (Absent Without Official Leave) sa serbisyo asin iyo man na suspek sa pambubugbog sa sarong babae sa sarong hotel sa Jacob St., Liboton, Naga City maagahon kaning naka-aguing Hulyo 27, 2023.
Sigon sa impormasyon, nag-check in umano ang suspek na si Mel Andrew Gumba kan Sto. Domingo, Iriga City asin biktimang sarong 31-anyos na babae, dating ka-live in kaini sa sarong hotel kang magkaigwa nin iwal ang duwa.
Tulos na uminapod ning pulis ang mga taong nakadangog sa insidente asin igdi na naabutan ang babaeng duguan matapos bugbugon asin sapukon nin badil sa mukha kan suspek.
Tulos man na tuminakas ang suspek kan mahiling na paabot na ang mga operatiba sa lugar.
Ngunian na aldaw, Hulyo 28, nadakop na kan mga pulis ang suspek kan mahiling ini kan guwardya nin sarong unibersidad sa siyudad na naglalakaw nin mayong pang-itaas na saplot.
Sigon sa suspek, ipinagtanggol niya lang umano ang saiyang sadiri laban sa biktima na nainot namukpok nin bote asin nangkulog saiya. Pekeng baril man umano ang dara niya. Dai man niya tulos na naisuko ang sarili sa awtoridad dahil sa takot.
Dagdag pa niya, selos ang dahilan kan saindang alitan kan biktima.
Sa ngunian, nasa kustodiya na kan awtoridad ang suspek para sa masusing imbestigasyon asin kaukulang disposisyon.
