‘ARMAS KAN CONCEPCION CRIMINAL GROUP, NASAMSAM KAN PNP BICOL’

Nasamsam kan Philippine National Police (PNP) Regional Office 5 ang mga armas kan mga miyembro kan Concepcion Criminal Group na saindang nakaengkwentro kaining Disyembre 31, 2023 sa Zone 7, Sitio Parada, Barangay Molosbolos, Libon, Albay.

Sa ulat kan PNP Bicol, anom na miyembro kan grupo ang saindang nakasagupa. Ang mga tropa kan pamahalaan bumubuo nin mga tauhan kan RMFB5, RSOU-RID, PNP-SAF, Albay PPO, asin 49IB, 9ID, PA.

Naghaloy nin limang minuto ang engkwentro habang mayo man na naitalang nakulugan.

Igdi nakumpiska ang sarong M16 rifle, sarong M16 rifle upper receiver, duwang carbines, sarong M14 rifle, asin sarong AK-47.

Padagos ang PNP Bicol sa irarom kan pamumuno ni PBGen. Andre Dizon sa pagtugis sa naturang notoryus na grupo na bisto dahil sa pangingikil, paggadan, asin paghahabon.