APSEMO, pinag-iingat an mga residenteng harani sa mga river channels kan Bulkan Mayon

Pinag-iingat kan Albay Public Safety and Emergency Management Office o APSEMO an mga residenteng harani sa river channels sa dalisdis kan Bulkan Mayon sakaling makaranas nin makusog na pag-uran sa lalawigan.

Sigon kay APSEMO Head Dr. Cedric Daep, posibleng magpatupad an lalawigan nin mandatory evacuation sa mga residenteng harani sa mga salog na pwedeng agihan nin lahar o nin mga nagraragasang darakulang debris hali sa Bulkan Mayon.

Kung magkaigwa nin makusog na uran asin uminabot sa 60mm of rainfall per hour, asahan na an pagragasa kan mga darakulang gapo hali sa mga inot nang rockfall sa palibot kan bulkan na pwedeng ianod pababa sa pirang mga kaharongan, tanuman asin mga tulay.

Dagdag pa kaini, dakol na ang naipon na debris hali sa ibinuga kan bulkan kaya man mas mapanganib ini sa mga residenteng harani sa mga river channels.

Litrato kua ni Erickson Banzuela Balderama.