‘APAT NA MIYEMBRO KAN CTG SA SORSOGON, KUSANG SUMINUKO SA AWTORIDAD’

Boluntaryong suminuko sa awtoridad ang apat na miyembro kan Communist Terrorist Group (CTG) sa probinsya kan Sorsogon kaining Agosto 5, 2023.

Inot nang suminuko sa Barangay Calomagon, Bulan, Sorsogon sinda alyas “Rina”, alyas “Jaime” asin alyas “Rodel” na mga dating miyembro kan KLG 2, SRC 3, BRPC.
Isinuko man ninda ang saindang mga armas na duwang M16 rifle, sarong .38 na kalibre nin badil asin mga bala.

Saro pang miyembro kan PLTN 3, SRC 3, BRPC ang suminuko man sa pamunuan kan 31IB sa Brgy. Bayasong, Pilar, Sorsogon sa parehong aldaw.

Kasabay kan pagsuko kaini ang pagturn-over niya kan saiyang badil na M14 rifle asin pagtukdo sa pinagtataguan kan iba pang kagamitang pandigma kan mga CTG sa Brgy. Tongdol, Donsol, Sorsogon.

Sa ngunian, nakatakdang magpasairarom sa Enhanced Comprehensive Local Integration Program (ECLIP) ang mga nasabing rebel returnee.

Hinihikayat man kan awtoridad ang mga miyembro kan rebeldeng grupo na magbalik-loob na sa gobyerno para magkaigwa ning normal asin tahimik na pamumuhay kaiba ang saindang pamilya.

Litrato hali sa 22nd Infantry “Valor” Battalion, 31st Charge Battalion