'SARONG HARONG SA CASIGURAN, SORSOGON, NAGKASULO'

Nagkasulo ang kusina kan sarong harong sa Barangay San Pascual, Casiguran, Sorsogon suudmang alas 2:00 ning hapon, Agosto 7, 2023.

Sigon sa inisyal na impormasyon, posible umanong ang napabayaang iniinit na [anira kan sarong gurang na lalaking nakaistar sa harong ang naging kawsa kan kasulo.

Maswerte man na mayong naiulat na casualties sa kasulo kundi kinaipuhan nang rauton ang kusinang kan harong para dai na magkalata pa ang kasulo.

Nagtarabangan man ang mga residente asin opisyal kan barangay para sa makaskas na pag-apula kan kasulo.

Nag-abot man sa insidente ang mga tauhan kan MDRRMO asin BFP Casiguran.
Sa ngunian, nangangapudan man nin tabang ang mga kapamilya kan gurang na nasuloan.