Bikol NgunianGadan ang sarong motorcycle rider habang sugatan man ang tulong indibidwal sa banggaan kaini asin kan sarong tricycle sa Junction Maharlika Highway sa F. Pimentel Avenue, HP Supermarket, Barangay Pamorangon kansubagong alas 5:00 ng umaga, Hulyo 27, 2023.
Sigon sa report, hali sa banwaan kan Basud paduman sa Brgy. Camambugan ang tricycle na minamaneho kan sarong alyas “Tony”, 50-anyos, sakay ang agom kaning si alyas “Tinay”, 49-anyos, pawang residente kan Purok 2, Barangay Matnog, Basud, Camarines Norte kan pag-abot sa nasabing tinampo ini biglang sinalpok nin motorsiklong minamaneho man ni Alvin Rivera, 40-anyos, residente kan Taft Iraya, Purok 6, Barangay III, Daet, Camarines Norte, na may sarong angkas na nabibistong si alyas “Mar”, 29-anyos na residente man ng Purok 3, Barangay Pamorangon, Daet, Camarines Norte.
Istorya kan sarong nakasaksi na nagmamaneho man nin sarong motorsiklo hali sa centro nin Daet, pag-abot sa lugar nin aksidente ini nagpundo siya para paagihon ang kasabatan na nag-signal para magliko sa walang bahagi kan tinampo paduman sa Brgy. Camambugan, kundi ang motorsiklo kan biktima na nakasunod sa iya biglang man na nag-overtake dahilan ng pagsalpok kaini sa saiyang kasabatan na tricycle.
Tulos na idinara sa ospital ang mga biktima kundi idineklara man na dead on arrival ang driver ng motorsiklo.
Sa ngunian, padagos ang pagsasagibo nin imbestigasyon kan awtoridad sa aksidente asin padagos man ang pag-monitor ninda sa kondisyon kan iba pang biktima na kapwa nagtamo nin pinsala sa man-iba ibang bahagi kan saindang hawak.
Litrato hali sa CNPPO.
