Bikol NgunianNanao ning garden tools asin iba ibang binhi nin gulay sa mga eskwelahan asin barangay sa Catanduanes ang Department of Agriculture (DA) ngunian na aldaw, Hulyo 18, 2023 na ginanap sa Virac Sports Center, barangay Rawis, Virac, Catanduanes.
Kabali sa mga kagamitan na ipinanao kan ahensya ang seedling trays, vegetable twine, pots, sprayers/sprinklers, hand trowels, garden hose, forks, spades, rakes, pails, bolo with scabbard, shovels asin water plastic drum.
Nakatanggap man ang mga benepisyaryo ning vegetable seedlings arog kang kamatis, lettuce, sitaw, talong, okra, kalabasa, upo, pechay, ampalaya asin pipino na may kaibahan man na mga organikong abono.
Minaabot sa P1,451,062 ang halaga nin naipamahagi kan DA sa 50 pampublikong paaralan na may Gulayan sa Paaralan Project, walong barangay na may ‘Gulayan sa Barangay Project’ asin anom pang barangay na nagsasagibo man ng Urban Gardening.
Ang aktibidad sa irarom kan programang High Value Crops Development Program ning DA na layunin na matabangan ang mga eskwelahan asin barangay sa lugar na palaguon asin panatilihon ang saindang Gulayan Projects na saindang mapapakinabangan sa hinaharap.
Mga litrato hali sa RP Virac, Catanduanes.
