Man-iba ibang ahensiya kan gobyerno, nagkasararo para sa “Baranggayan sa Bikol”

Mga tauhan kan Masbate 2nd PMFC, Palanas MPS, Bureau of Fire Protection (BFP), LGU- Palanas, Masbate, DILG, Philippine Army asin iba ibang ahensya kan gobyerno, nakikisaro sa ‘Serbisyo Caravan’ na isinagibo kansuudma, Hunyo 29, sa Barangay Poblacion, Palanas, Masbate bilang parte kan 2023 DILG-RCSP “Baranggayan sa Bikol”.

Kabali sa serbisyong inihandog sa aktibidad an pre-medical consultation o check-up, libreng gupit, feeding program asin iba pa.

Samatala, siniguro man kan kapulisan na padagos sindang makikisaro sa mga arog kaining Serbisyo Caravan asin programa na nagsusulong nin mga serbisyo publiko para makatabang asin mapagtibay an magayon na ugnayan kan kapulisan asin komunidad.

Mga litrato hali sa PCADG Bicol Region/Masbate 2nd PMFC.