Bikol NgunianPlano na magkaigwa nin Governor’s Night sa banwaan nin San Fernando sa maabot na June 24, alagad huli sa potensyal na kariribukan pwedeng dae ini madagos.
Segun sa abiso kan Provincial Legal Officer kan Governor’s Office, igwa daang nagpaplano na magpuon nin kariribukan sa nasabing event kaya pigrekumenda kan Municipal Peace and Order Council kan San Fernado na i-kansela ini.
Mahihiling na an Governor’s Night sa maabot na Sabado, pig-oorganisa kan kapitolyo; alagad dae malinaw sa pinaabot na abiso sa munisipyo kun ano an detalye kan potensyal na kariribukan asin ano an plano kan kapitolyo para sa seguridad kan nasabing okasyon.
An Mayor an igwang kakayahan na imobilisa an kapulisan sa saiyang munisipyo, manta an Gobernador an igwang kapangyarihan na pahiroon an kapulisan sa buong probinsya. Ibig sabihon mas igwang kapasidad an kapitolyo para solusyunan ini.
Alagad, an pagsurat kan kapitoloyo sa Munisipyo nin San Fernando tanganing magresponde sa sinasabi nindang planong kariribukan nagpapahiling na dae sinda preparado para digdi.
Kaya napagdesisyunan ninda Mayor Fermin Mabulo asin iba pang mga opisyal na i-kansela na sana ini kaysa mapahamak pa an mga taga-San Fernando.
