Bikol NgunianGadan an sarong indibidwal habang sugatan man an pira pang katao sa karambola kan limang lunadan sa Zone 4 Brgy. Anayan, Pili, Camarines Sur, bandang alas 6:00 kansubanggi, Hunyo 21, 2023.
Sa inisyal na report, tinatahak kan sarong motorsiklo an nasabing tinampo kan ini ma-islide, saktong nakasunod man sa iya an sarong closed van na umiwas pa-wala kung sain nabangga kaini an sarong nakaparadang truck. Sa balyong linya man, kasabay kan saro pang truck an saro pang motorsiklong may backride na buminangga sa nainot na nagkarambolang mga lunadan.
Tulos man na nagresponde an MDRRMO Pili sa insidente asin idinara an mga biktima sa ospital.
Nagtamo nin minor injuries an pirang mga biktima kundi an backride kan sarong motorsiklo binawian nin buhay.
Sa ngunian, kapot na kan mga awtoridad an mga lunadan na sangkot sa aksidente para sa kaukulan na disposisyon.
Litrato hali sa Pili MPS.
