Bikol Ngunian
Minaabot sa 1,129 na pamilya an natawan nin malinig na tubig sa pamamagitan nin water filtration units kan Metropolitan Manila Development Authority o MMDA sa mga apektadong komunidad nin pag-alburuto kan Bulkan Mayon sa lalawigan nin Albay.
Dara kan MMDA an 60 units nin solar-powered water filtration machines para sa iba pang lugar asin evacuation centers sa probinsya kung sain mayo o kulang an supply nin malinig na tubig na maiinom kan mga residenteng nagsilikas.
Kabali sa mga natawanan nin malinig na maiinom na tubig an mga barangay nin San Andres (Purok 4), San Andres (Purok 2), asin Sitio Bical, Salvacion sa Sto Domingo, Albay.
Dagdag pa igdi, mapadagos an grupo sa probinsya nin 10 araw para maghatod nin tabang asin first-aid.
Mahihiling an pagtarabangan kan bawat Pilipino sa tahaw kan kalamidad na kinakaatubang ta.
Litrato hali sa MMDA.
