bikolngunianNAGA CITY, Philippines – Kakaluwas pa sana kan hatol kan Korte Supremo segun sa kaso ni Marioano v. Naga City alagad kadakol nang fake news asin credit-grabbing an nangyayari.
ANO BA ANG MARIANO VS NAGA CITY?
Kan panahon ni Mayor Jesse Robredo, nagfile nin kaso an pamilya Mariano laban sa Naga City LGU huli ta gusto nindang magsingil nin renta sa saindang daga kun yaon sain an City Hall. Segun sa argumento kan Naga City, haloy nang pigdonar kan lolo kan mga Mariano an daga sa gobyerno.
SUPREME COURT RULING
Pagkatapos kan pirang taon, nagdesisyon na an Korte Suprema kasuhapon na nagsasabing dae na kaipuhang pahalion an City Hall building sa pigsasabing daga kan mga Mariano. Pinagbabayad na sana sinda nin just compensation.
FAKE NEWS COURTESY OF MAYOR NELSON
Tulos mang nagpaluwas nin pasasalamat si Naga City Mayor Legacion sa saiyang Facebook account. Pigpasalamatan niya an pirang mga personalidad sa pangengenot ni former Solicitor General Joel Cadiz. Segun sa saiyang post, garo pinapahiling na si Atty. Cadiz an nagpakasakit asin nagpagana sa kaso.
Alagad kun hihilingon, an motion na pig-file ni Atty. Cadiz na-DENIED asin pigbasura kan Korte Suprema.
THE REAL HERO
Kiisay na motion ngunyan an pigdangog kan Korte Suprema na nagin paagi sa pagbasura kan kaso nin mga Mariano laban sa Naga City LGU.
Ini an motion na pig-file ni Atty. Perfecto Bragais III na saro sa pigkakatiwalaang abogado ni depuntong Naga City Mayor Jesse Robredo. Sa pirang taong nakabinbin an kaso, dae ini pigpabayaan at pigparatiyagaan ni Atty. Bragais hanggang maigana ini.
An motion na pigkatigan asin nagpagana sa kaso iyo an motion ni Atty. Bragais asin mayong papel digdi si Atty. Cadiz na pigparapasalamatan ni Mayor Nelson.
WHAT’S THE STORY BEHIND AT BAKIT ITO IMPORTANTE?
Naghahapot garo kamo ngunyan kun tano pigtutulod ni Mayor Nelson asin Atty. Cadiz an pagkagana sa kaso sa Korte asin habo nindang bistuhon an totoo na si Atty. Bragais an rason kan saindang pagkagana?
Bako ini an enot na beses na nagcredit grab si Mayor—matatandaang ginibo niya ini sa CASURECO kun sain si former VP Leni Robredo na mismo an nagsita saiya Asin, dae lingid sa kaaraman kan kadaklan an dae iwal ni Atty. Bragais asin Mayor Nelson pate agaom niyang si Marion. Ini an rason sa pagkakatanggal ni Atty. Bragais sa City Hall kan magin Mayor si Nelso.
Magiguirumdom man na kan nakaaging 2022 elections ay pigsuportaran ni Mayor Nelson an pagkandidato sa pagkacongressman ni Atty. Cadiz dawa kapartido niya si Cong. Gabby Bordado.
Segun sa mga political analysts, ini parte kan preparasyon ni Mayor Nelson para bangaon asin pagiwalon an Team Naga parayo kay former VP Leni Robredo na pigsasabing malaban pagka-Mayor tanganing punduhon na an talamak na kurapsiyon sa City Hall.
Hale man sa sarong source na harani kay former VP Leni, dae na daa pigsisimbag ni VP an mga apod ni Mayor Nelson. Nakaschedule na magtaram daa si Robredo sa mga masunod na aldaw.
