“Magin marhay, asin Magsabi nin Totoo” Simbag ni Mayor Nelson sa mga Patutsada ni Nonoy Magtuto

NAGA CITY—Segun kay Mayor Nelson Legacion kan Abril pa daa pigtanggal an mga tarpaulin, bako lang an mga tarpaulin ni Nonoy Magtuto, kundi an gabos huli sa pagsunod sa mga ley para sa eleksyon.

Simbag ini sa post ni Nonoy Magtuto na pigpatanggal daa ni Mayor Nelson Legacion an mga tarpaulin kaini hule sa maating pulitika asin harassment. Pig-fact check ini ni Mayor Legacion asin ni Arthur Abonal na kan Abril pa nagtao nin abiso an City Hall sa mga tatanggalon na tarpaulin.

Dagdag pa ni Mayor Nelson Legacion, mantang nagtao daa nin abiso an City Hall, an kampo daa ni Magtuto an nagpatanggal asin nagparawraw kan mga tarpaulin ni Mayor sa mga munisipyo.

Magkalaban sa pagka-kongresista sa tercer distrito kan Camarines Sur si Legacion asin Magtuto.