Bikol NgunianArestado ang duwang indibidwal kabali na ang sarong menor de edad matapos maghabon sa sarong tindahan sa Purok 3, Barangay Pamorangon, Daet, Camarines Norte kansubagong alas 2:00 nin maagahon, Nobyembre 17, 2023.
Sigon sa report, hinabunan kan duwang suspek na binisto bilang sinda alyas “Marko”, 18-anyos, binata asin residente kan Purok 3, Barangay Mocong, Basud, Camarines Norte, asin sarong 15-anyos na lalaki na residente man kan Purok 6, Barangay Pantalan, Basud, Camarines Norte ang tindahan kan biktiman na si alyas “Len”, 43-anyos na daraga, sarong businesswoman asin residente kan nabanggit na lugar.
Tulos na iniulat ng biktima sa awtoridad ang insidente asin tulos man na nagsagibo nin operasyon ang mga pulis na nagresulta sa pagkakaaresto kan mga suspek.
Narekober sa mga suspek ang bag kan biktima na kung hain ang mga mahahalagang bagay habang ang duwa pang suspek nakatakas tangay ang mga grocery items kan biktima na may kabuuhang halaga na P55,300.
Sa ngunyan, nasa Daet MPS na ang duwang suspek habang padagos man na hinahanap kan awtoridad ang duwa pa kaining kaibahan na nakatakas.
Photo Courtesy: CNPPO
