Bikol NgunianPadagos ang pinaigting na operasyon kontra droga kan Police Regional Office 5 (PRO5) kung sain naaresto ang sarong high value individual (HVI) drug personality sa Barangay Cota na Daco, banwaan nin Gubat, Sorsogon kaining Nobyembre 11, 2023.
Sa ikinasang operasyon kan Sorsogon asin Gubat Municipal Police Station (MPS), naaresto ang suspek na si alyas ‘Arnel’ na nagbenta nin 65 gramo nin shabu sa sarong poser buyer.
Nasabat kay alyas ‘Arnel’ ang nasa 442,000 pesos na halaga nin ilegal na droga.
Maatubang ang suspek sa kasong paglabag sa Republic Act 9165 o Comprehensive Dangerous Drugs Act of 2002.
