Bikol NgunianNagtao nin alternatibong ruta ang Department of Public Works and Highways (DPWH) Bicol sa mga motorista asin sasakyang maagi sa mga lugar na pagdadausan kan selebrasyon nin kapistahan ni Our Lady of Peñafrancia puon Setyembre 7-11, 13-18, 2023.
Sa abiso, pwedeng mag-agi sa Nabua-Balatan Rd., magsiko sa too sa Camarines Sur-Albay Diversion Rd. asin magliko sa wala sa Daang Maharlika ang mga sasakyang hali sa Albay asin paduman Manila.
Pwede man mag-agi sa Camarines Sur-Albay Diversion Rd., magsiko pa-wala sa Minalabac-Milaor Rd., magsiko ulit pa-too sa Minalabac-Pili Rd. asin magsiko pa-too sa Daang Maharlika (Vice Versa) ang mga lunadan hali sa San Fernando, Camarines Sur na paduman sa Pili, Partido asin Rinconada area.
Litrato hali sa DPWH Bicol.
