Bikol NgunianPadagos na nakakaapekto ang Bagyong Hanna sa dakulang bahagi kan Luzon. Huring namataan ang sentro kan bagyo sa rayong 265 kilometers Hilagang-Kanluran kan Itbayat, Batanes o sa bisinidad kan Kaoshiung City, Taiwan.
Taglay na kaini ang kusog kan hangin na minaabot sa 120 kilometers per hour asin pagbugsong nasa 165 km/hr.
Maluway na nahiro ang bagyo pa-timog, timog-kanluran.
Nakataas ang Tropical Cyclone Wind Signal Number 1 sa Batanes.
Sigon sa PAGASA, papakusugon kan bagyo ang Hanging Habagat na madara nin mga pag-uran sa kanlurang bahagi kan Luzon asin Antique sa minasunod na tulong aldaw.
Inaasahan man na maluwas nin Philippine Area of Responsibility (PAR) ang bagyo sa masunod na anom hanggang 12 oras asin maluya bilang severe tropical storm bunsod kan pagtama kaini sa kalupaan kan Taiwan.
Litrato hali sa PAGASA.
