Bikol NgunianNakaresibe nin tabang hali sa Department of Social Welfare and Development (DSWD) Bicol ang sarong pamilyang nasuloan nin harong sa Barangay Bagacay, Jovellar, Albay kan naka-aguing Agosto 31, 2023.
Sigon sa report kan Bureau of Fire Protection (BFP) Jovellar, faulty electrical wiring ang kawsa kan kasulo.
Gibo man sa light materials ang nasabing harong kaya kaskas na kuminalat ang kasulo asin natupok ini. Kabali sa mga nasulo ang 18 na sako nin bagong aning bagas asin kwarta na para sana sa pambakal nin gamit kan apat na aki kan nasuloan na pamilya.
Maswerteng mayo man na naitalang casualties sa insidente.
Kasunod kaini ang tulos man na pinaabot na tabang kang DSWD Bicol arog kang Family Food Packs (FFPs) asin pirang non-food relief items. Inaasahan man na makakaresibe nin tabang pinansyal ang pamilya sa irarom kan programang Assistance to Individuals in Crisis Situation (AICS) program kan ahensya.
Mga lirato hali sa DSWD Bicol.
