Bikol NgunianPosibleng sinulo kan sarong dai pa nabibistong indibidwal ang bangka kan sarong pamilya kan mangingisda sa Brgy. San Isidro, Sto Domingo, Albay imaaga kan naka-aguing, Agosto 31, 2023.
Sigon sa impormasyon, mga alas 4:00 nin maagahon, naabutan na lang kan pamilya an saindang bangka na nilamon a nin kasulo.
Istorya ni Gina Balderama, may-ari kan bangka, sarong aldaw bago an pangyayari, sinda nakauli nin banye-banyerang sira gamit ini asin nanao pa sinda sa mga nagharagad. Naibenta man ninda ang pira sa mga ini.
Sa ngunian, inireport na kan pamilya sa BFP Sto. Domingo ang insidente asin iniimbestigahan na ini.
Nangangapudan man ngunian ang pamilya sa publiko na kung may kinalaman sa insidente tulos nang makipag-ugnayan sainda o sa awtoridad para mapanagot ang may sala. Handa umano sindang magtao ning kadikit pabuya.
Mga litrato hali kay Gina Balderama.
