‘P136-K HALAGA NIN SHABU NAKUMPISKA SA SARONG DRUG DEN SA NAGA CITY’

Timbog ang anom na indibidwal matapos salakayon kan awtoridad ang sarong drug den sa Brgy, Triangulo, Naga City, bandang alas 4:30 nin hapon kan naka-aguing Agosto 24, 2023.

Nasakote sa operasyon ang mga suspek na sinda Carlos Estudillo, 53-anyos, drug den maintainer, may-ari kan vulcanizing shop asin residente kan nasabing lugar; Sunny Panesa, 43-anyos, sarong repairman radiator asin residente kan Brgy. Del Rosario, Naga City; Raymond Paquia, 36-anyos, sarong residente kan Brgy. San Roque, Pili Camarines Sur; Arnel Campa, 49-anyos, tireman asin residente kan Brgy. San Jose Pugay, Baao; Emily Mendez, 44-anyos, cashier, asin residente kan Brgy. Fabrica, Calabanga, Camarines Sur asin Renard Villanueva, 24-anyos, tireman na residente kan Brgy. Concepcion Pequeña, Naga City.

Nakumspiska sa mga suspek ang 10 pakete nin hinihinalaang shabu na nagkakahalaga nin P136,000.

Nasa kustodiya na ngunian kan awtoridad ang mga nadakop na suspek para sa kasong paglabag sa Republic Act 9165 o Comprehensive Dangerous Drugs Act of 2002.

Mga litrato hali sa PDEA Camarines Sur.