Bikol NgunianSarong dai pa nabibistong indibdwal an naglaog asin naghabon sa St. Anne Parish, Brgy. San Isidro, Magarao, Camarines Sur bandang alas 6:30 nin aga suudma Agosto 16, 2023. Sa inisyal na impormasyon, nilaog umano kan suspek na nakasulot nin bonnet ang kwarto kan Parish Priest kung sain kinua kaini ang tinatayang P100,000.
Nahiling umano ang suspek kan caretaker kan simbahan kaya man isinumbong niya ini sa saiyang kasamahan na tulos man na nag-apod nin pulis sa pagaakalang nasa laog pa ang parahabon.
Kan uminabot ang mga pulis nakatakas na palan ang suspek.
Sa ngunian, padagos ang imbestigasyon kan awtoridad sa insidente. Hinali naman ninda ang posibilidad na inside job ang nasabing pangyayari.
